今日打咗電話俾當年我買樓嘅經紀, 佢已經升咗職調去另一區做, 但係我都想搵返佢放盤. 喺屋企附近時常見到D地產經紀列隊搵客. 唉, 個個蛇頭鼠眼真係見到都唔開胃. 就算我想買或賣樓, 見到佢哋個個嘅前額都好似寫住個賊字咁, 冇一個嘅樣係老實嘅, 點搵得佢哋幫手?
即使係對住呢個舊經紀, 始終都係同佢有利益衝突, 所以同佢講嘢我都特別小心. 我真係唔急架, 我唔會平賣架, 咪駛旨意同我整個移民急讓啊, 亦唔駛幫我喺XX, YY, 同ZZ你D行家度放埋喇. 大家大玩心理戰, 真係麻鬼煩, 真係辛苦. 鬼叫我窮, 睇在D錢份上, 麻煩辛苦D都要做一次, 遲D如果有客壓我價, 同佢negotiate時可能仲麻煩仲辛苦.
4 comments:
你唔試下係科林放盤 :P
未有機會見過你, 但都不捨得你走.
祝你一切順利, 打算幾月到會離開呢
oh... 牛都飛lu... :(
第日走左都番黎傾下計啦! :)
你d動作咁快嘅....啱啱先識你...仲要未見過你...就要講再見...真係唔捨得呀!
保重及珍重...May God Bless You!
Post a Comment