星期六收到一個manager嘅email, 佢好有禮貌咁reject咗我份job application. 好奇怪, 我都唔知佢係邊個, 佢在email中提及嘅post我見都未見過, 可能係我香港嘅manager或人事部幫我申請嘅. 無論如何, 再一次提醒我, 在外地搵工作, 真係唔係咁容易.
我每日向神禱告, 神俾我嘅回應真係十分奇妙. 當初我話要去做新移民, 我最擔心係搵工. 每日禱告, 出現咗唔同嘅人話嘗試幫我搵工或者介紹, 好似每份工作會自動埋嚟搵我咁. 以為掂晒唔駛咁擔心嘅時候, 我就減少有關搵工作嘅禱告, 就係咁就收到俾人reject嘅通知喇. 好一個提醒, 提醒我要凡事倚靠神,不可輕忽、不可過份自信、不可自作主張. 另一方面見間屋放咗盤兩星期都無人問津, 就擔心間屋賣唔出, 咁我就好自然將禱告嘅重點變成間屋可以順利出售. 神真係聽禱告嘅, 過去兩個週末, 都有唔少人嚟睇樓, 有三個真係有興趣嘅買家, 仲已經或者準備還價添. 雖然買家出嘅價與我哋嘅心水價尚有距離, 但係距離已經愈來愈接近, 相信成交只係時間嘅問題. 有咗搵工嘅教訓, 我現在會繼續凡事倚靠神, 不倚靠自己, 仲有最緊要就係凡事謝恩.
5 comments:
我現在會繼續凡事倚靠神, 不倚靠自己, 仲有最緊要就係凡事謝恩. >> 這也是我最近學曉的功課。 God will make a way!!!!
凡事交托,凡事謝恩,多謝分享同提醒!! =)
希望你搵工同賣樓都係神既帶領下有最美好既安排啦!! =)
"我現在會繼續凡事倚靠神, 不倚靠自己, 仲有最緊要就係凡事謝恩."
頭尾果句都明, 中間果句就唔明, 點解"不倚靠自己"呢?
牛佬, 我都面對緊同類問題, 自己的禱告進度亦同你好相似, 多謝你俾我咁大的提醒!!
多謝!!
我又諗起"神叫萬事都互相效力, 叫愛神的人得益處"
大家努力呀.
002 提到...
頭尾果句都明, 中間果句就唔明, 點解"不倚靠自己"呢?
oo2，有時人用盡自己方法都達唔到自己要得既結果。最後需要謙卑自己交托畀神，就會有意外既結果出現:p
牛佬﹗努力﹗我地都一齊努力﹗
Post a Comment