好貴

呢度有兩樣嘢, 我覺得真係好鬼貴.

第一, 手機通話費.

我在香港時, 用3嘅3G月費計劃, HK$128有1200基本通話分鐘, 900分鐘心連心通話, 再加可以上3G睇新聞等等. 呢度, 貴到我只肯用佢哋嘅電話咭. 加幣$20一張咭, 通話費加幣2毫子一分鐘. 即係一張咭可以講100分鐘. 100分鐘要港幣大約$150, 好似時光倒流到香港初初開始手機普及時, 真係落後得可憐.

第二, 凍飲附加費

去香港式茶餐廳, 叫個午餐如果要凍飲, 居然要加加幣一元. 嘩! 香港好似加兩蚊only! 要凍飲居然要加港幣7.5元? 唔駛客氣喇, 天氣咁凍我又cheap, 我要杯熱奶茶得喇, 就算有人請我我都唔飲. 七個半我喺大家樂可以買到杯奶茶喇. 七個半要我買佢幾粒冰? 佢都癡筋.