熱到暈

夏天好似真係嚟喇. 上個星期朝早返工都仲係得11/12度, 我都仲要著件冷衫返工. 前日下午已經27度, 太陽仲好猛. 喺屋企, 間屋最頂層包括睡房和書房, 即使已經開晒窗, 都熱到好似焗爐咁. 我哋屋企又冇冷氣, 只係得把風扇, 我真係熱到暈喇. 好奇怪, 在最底層車房及客房嘅位置, 就涼到好似開咗冷氣咁, 好正. 最衰我哋間客房乜都冇, 如果唔係夏天搬去客房瞓, 咁就真係好爽喇. 唔係喇, 不如真係買番張床褥夏天瞓客房喇…….