昨日放工返屋企途中, 70街都幾多車. 在車龍中慢慢移動之際, 交通燈轉紅, 在我隔離線嘅車仲去, 我後面架車個人見人去佢又去,偏偏就冇睇佢前面嘅我冇去, 一嘢就撞我車尾.
大家落車睇吓, 我架車又唔係好傷, 只係個bumper爛咗好少同埋花咗. 個西人say晒sorry. 佢話佢個乘客問緊佢嘢, 佢not paying attention, 見隔離線嘅車行, 佢又行. 揸車真係唔好發夢.
今日報咗保險, 我完全唔駛出錢整條bumper, 因為唔係我錯. 撞我嗰個就陰公喇, 整車公司estimate過咁樣修理要差不多600蚊加幣. 如果保險幫佢俾, 佢又要加保險費. 幸好冇人受傷, 揸車真係要小心.
6 comments:
touch wood!好彩你平安無事﹗
小心駕駛. 安全第一.
好彩無野咋, 有驚無險.
好彩大家都無事！！ =）
感恩....
揸車真係要專心, 特別係唔好比個不停講野的女仕坐係隔離。 :p
所以我唔鍾意楂車, 好費神.
細細聲話過你知吖：我去日本旅行時，都係响差唔多嘅情形下，撞爛咗前面亞伯架車車尾一邊指揮燈個膠罩，賠咗￥2000！
唔好話俾人知呀！ : P
Post a Comment