離開原居地到一個新地方成為新移民, 就一定要放棄或者犧牲一些喺原居地嘅嘢. 日子越來越近, 才知道要成為新移民嘅犧牲, 原來係咁痛苦嘅.
自從有線冇咗EPL轉播權, 大家都等緊NOW幾時出一些平價plans. 等到現在開季前一星期, 佢都要客戶簽約至少18個月. 要我同佢簽約18個月, 根本無可能. 即使佢轉死性肯同我簽兩三個月約, 如果我好彩好快賣出間屋要搬走, 個NOW都唔知點算. 唯有放棄, 開季後用另類方法睇EPL啦.
昨晚舉行Community Shield, 不論MU或Chelsea, 我都唔鍾意. 不過從書房望出街外, 見到附近幾個街坊部電視都係播緊場足球比賽. 餓咗波3個月, 我真係好想睇! 可惜我冇NOW! 嘗試用另類方法睇, 點知個connection慢到死, 即使connect得到都係咁窒油. 唉, 下星期正式開季都唔知點算. 睇嚟要開始習慣以後冇英國波睇的日子喇.
4 comments:
餓波好慘架....睇下邊個街坊有now, 你去佢到睇啦.....
第一個諗到嘅係...圓碌碌大力
不過大力無波台噃好似..........我都無.
去阿油到lor...一係 !!
我而家係有波台既 :P
牛佬, 你真係忍唔住想睇個陣可似CALL 我喎 :)
都唔明踢波有乜咁好睇?
Post a Comment